قومی اسمبلی اجلاس، پیپلز پارٹی اور ن لیگ کے ارکان آمنے سامنے

اسلام آباد(کھوج نیوز) قومی اسمبلی کے اجلاس میں پاکستان پیپلز پارٹی اور مسلم لیگ ن کے ارکان ایک بار پھر آمنے سامنے آگئے جس کے بعد ایوان میں ہلڑ بازی کا واقع بھی پیش آیا۔

تفصیلات کے مطابق پیپلز پارٹی کی خاتون رکن قومی اسمبلی شازیہ مری نے قومی اسمبلی اجلاس کے دوران کہا کہ ہنسی آرہی تھی کہ ایسی انٹرنیٹ اسپیڈ میں ڈیجیٹل نیشن بل لایا گیا، فائر وال سن سن کا کان پک گئے ہیں۔ ان کا کہنا تھا حکومتی اقدامات کی صورتحال انتہائی مضحکہ خیز ہے، ملک میں انٹرنیٹ بند ہے اور ڈیجیٹل پاکستان کا بل لے کر آ رہے ہیں، سوال کچھ پوچھتے ہیں اور جواب کچھ دیا جاتا ہے۔ شازیہ مری کا کہنا تھا ہم سوشل میڈیا کے خلاف نہیں لیکن اس کے غلط استعمال کے خلاف ہیں، جو سوشل میڈیا غلط استعمال نہیں کرتے ان کو کس چیز کی سزا دی جا رہی ہے۔