مذاکرات کا معاملہ، عمران خان کا ایک بار پھر اپنے مؤقف سے یوٹرن

راولپنڈی (کھوج نیوز) مذاکرات کے معاملے پر پاکستان تحریک انصاف کے بانی عمران خان نے کیا ایک بار پھر اپنے مؤقف سے بڑا یوٹرن لے لیا ہے’ صارفین سر پکڑ کر بیٹھ گئے ہیں۔

کھوج نیوز ذرائع کے مطابق پاکستان تحریک انصاف کے بانی عمران خان کا مذاکرات کے حوالے سے سب سے پہلے مؤقف تھا کہ وہ مذاکرات صرف اور صرف اسٹیبلشمنٹ سے کریں گے جبکہ اس کے بعد انہوں نے اپنے مؤقف کو تبدیل کرتے ہوئے کہا کہ ہم حکومت سے مذاکرات کرنے کے لئے تیار ہیں جس کے لئے سابق وزیراعظم نے مذاکراتی ٹیم بھی تشکیل دے دی تھی جبکہ عمران خان کا کہنا تھا کہ حکومت کے ساتھ ہونے والے مذاکرات میں وفاقی وزیر داخلہ محسن نقوی شامل نہیں ہوں گے ۔ واضح رہے کہ پاکستان تحریک انصاف کے بانی عمران خان نے اپنے مؤقف سے یوٹرن لیتے ہوئے اب ہدایات کی ہیں کہ پاکستان تحریک انصاف اور حکومت کے درمیان مذاکرات صرف محسن نقوی کے ساتھ ہوں گے۔