عمران خان کی رہائی کب ہو گی ؟عارف علوی نے بتا دیا

پشاور (کھوج نیوز) پشاور میں میڈیا سے گفتگو کرتے ہوئے عارف علو ی نے کہا پی ٹی آئی کے حکومت کے ساتھ مذاکرات میں جسے ہونا چاہیے تھا وہ ضمانت کرانے میں مصروف تھا، ہمارا سارا وقت مقدمات میں ضمانتیں کرانے پر لگ جاتا ہے۔سابق صدر عارف علوی نے کہا ہے کہ پی ٹی آئی کے ساتھ مذاکرات میں عمران خان کی رہائی کے معاملے کو شامل کیا جائے، یہ نہ ہو کہ عمران خان کو رہا کرکے نظربند کردیا جائے۔

عارف علوی کا کہنا ہے کہ مذاکرات میں پہلی چیز یہ ہے پی ٹی آئی رہنماں کے کیسز واپس لیے جائیں، ملک کو2،3 سال میں 70 سے 80ارب ڈالر کا نقصان ہوا، ان سالوں میں ملک میں ایک روپے کی بھی سرمایہ کاری نہیں ہے۔طاقت عمران خان کے پاس ہے کیونکہ انہیں 90 فیصد عوام کی حمایت حاصل ہے۔ حکومت میں جن کے پاس اصل میں فیصلے کرنے کا اختیار ہے ان کو مذاکرات کی میز پر آنا چاہیے۔ ہمارے مطالبات میں عمران خان اور تمام سیاسی قیدیوں کی رہائی اور ہمارے مینڈیٹ کی بحالی شامل ہیں۔

سابق صدر نے بڑا دعوی کرتے ہوئے کہا کہ ایک ڈیڑھ ماہ کے اندر بانی پی ٹی آئی رہا ہوجائیں گے ۔اب بھی وقت ہے پی ٹی آئی کی حکومت ہٹا کر جو کیا گیا وہ ریورس کیا جائے۔ان کا کہنا ہے کہ جن لوگوں نے سیاست میں حصہ لیا سب کا ٹرائل ہوناچاہیے، اصل بات یہ ہے کہ یہ اپنے لوگوں کیلئے بھی قبر کھود رہے ہیں، ملٹری کورٹس میں سویلینز کا ٹرائل ہوگا تو دنیا مذمت کرے گی۔