بانی پا کستان کے یوم پیدائش پر وزیر اعظم پاکستان کا قوم کے نام اہم پیغام

اسلام آباد ( کھوج نیوز) وزیرِ اعظم شہباز شریف کا کہنا ہے کہ قائد اعظم نے وہ کر دکھایا جسے لوگ ناممکن سمجھتے تھے۔قائد اعظم محمد علی جناح کے یوم پیدائش پر جاری کیے گئے پیغام میں شہباز شریف نے کہا کہ قائد اعظم کی انتھک محنت کی بدولت پاکستان وجود میں آیا۔وزیرِ اعظم کا کہنا ہے کہ قائد اعظم اتحاد، انصاف اور مساوات پر یقین رکھتے تھے۔ قائد کی جدوجہد کا سفر محنت اور لگن کے ذریعے خوابوں کی تعبیر کا ثبوت ہے۔ ہمارا فرض ہے قوم کی ترقی، خوشحالی اور اتحاد کے لیے محنت کریں۔

آج بانی پاکستان قائداعظم محمد علی جناح کا 148 واں یوم پیدائش آج روایتی جوش و جذبے کے ساتھ منایا جارہا ہے۔آج وفاقی دارالحکومت اسلام آباد اور چاروں صوبائی دارالحکومتوں میں دن کا آغاز توپوں کی سلامی سے ہوا تھا۔