پارا چنار، وزیر اعظم شہباز شریف کی اہم ہدایات
دکھ اور مصیبت کی اس گھڑی میں پارا چنار اور خیبر پختو نخوا کی عوام کے ساتھ کھڑے ہیں : وزیر اعظم شہباز شریف
اسلام آباد (کھوج نیوز)نیشنل ڈیزاسٹر مینجمنٹ اتھارٹی نے وزیراعظم کی ہدایت پر پارا چنار کے بچوں، خواتین اور بزرگ افراد کی ایمرجنسی اور طبی ضروریات کو پورا کرنے کے لیے ادویات پارا چنار پہنچانے کااہم ریلیف آپریشن کر رہا ہے ۔وزیراعظم کی ہدایت پر 500 کلو گرام ادویات لے کر پہلا ہیلی کاپٹر آج پارا چنار پہنچا۔ پارا چنار سے واپسی پر یہ ہیلی کاپٹر 4 مریضوں کو علاج معالجے کی غرض سے اسلام آباد کے کر آیا۔
دوسرا ہیلی کاپٹر آج دوپہر مزید 500 کلو گرام ادویات لے کر اسلام آباد سے پارا چنار کے لیے روانہ ہو چکا ہے اور واپسی پر پارا چنار سے مریضوں کو اسلام آباد کے کر آئے گا۔وزیراعظم کے زیر استعمال ہیلی کاپٹر کو پارا چنار سے مریضوں کو دوسرے شہر منتقل کرنے کے لئے پہلے ہی مختص کیا جا چکا ہے ۔
اس مو قع پر وزیر اعظم شہباز شریف کا کہنا تھا کہ ہم دکھ اور مصیبت کی اس گھڑی میں پاڑہ چنار اور خیبر پختو نخوا کے عوام کی ساتھ کھڑے ہیں اور ان کو تنہا نہیں چھوڑ یں گے۔
