سال نو پر وزیراعظم پاکستان کا قوم کے لیے خصوصی پیغام

اسلام آباد ( کھوج نیوز )وزیراعظم شہبازشریف نے قوم کو نئے سال کی مبارکباد دیتے ہوئے کہا کہ دعاہے2025کاسورج ہماری ترقی اور خوشحالی کی نوید لے کر طلوع ہو،گزشتہ سال کی غلطیاں سدھارکرنئی شروعات کریں،روشن مستقبل کا آغازکریں۔

وزیراعظم شہباز شریف نے اپنے پیغام میں کہا 2024ہمارے پیارے پاکستان کے لیے شاندارکامیابیوں کاسال تھا۔2024میں معاشی اشاریے بہتر ہوئے،عالمی مالیاتی اداروں نے اعتمادکیا،باضابطہ طورپرقومی اقتصادی ٹرانسفارمیشن پلان”اڑان پاکستان”کااجراکیا۔ان نے مزید کہا کہ معیشت کو خود انحصاری پر ڈال چکے، خوشحال مستقبل کاعزم کرتے ہیں،آئیں!وعدہ کریں کہ ملک کے لیے کسی بھی قربانی سے دریغ نہیں کریں گے،دعاگوہوں2025خوش قسمتی اوربے پناہ خوشیوں کاسال ہو،پاکستان زندہ باد!