پاکستان میں رجب المرجب کا چاند نظر آگیا، شب معراج کب ہوگی؟
ملک بھر سے موصول ہونے والی شہادتوں کے بعد مرکزی رویت ہلال کمیٹی نے اعلان کیا ہے کہ یکم رجب کل جمعرات 2 جنوری کو ہوگی جب کہ شب معراج 28 جنوری کو ہوگی
اسلام آباد(کھوج نیوز) مرکزی رویت ہلال کمیٹی نے پاکستان میں رجب المرجب کا چاند نظر آنے کا اعلان کیا ہے جبکہ شب معراج کس تاریخ کو ہوگی ؟ تمام ترتفصیلات سامنے آگئی ہیں۔
تفصیلات کے مطابق وزارت مذہبی امور کی طرف سے جاری نوٹیفکیشن کے مطابق مرکزی رویت ہلال کمیٹی کا اجلاس مولانا سید محمد عبدالخبیر آزاد کی زیر صدارت وزارت مذہبی امور میں ہوا جب کہ زونل اور ضلعی ہلال کمیٹیوں کے اجلاس اپنے اپنے متعلقہ مقامات پر ہوئے۔ ملک بھر سے موصول ہونے والی شہادتوں کو مد نظر رکھتے ہوئے مرکزی رویت ہلال کمیٹی نے اعلان کیا ہے کہ یکم رجب کل جمعرات 2 جنوری کو ہوگی جب کہ شب معراج 28 جنوری کو ہوگی۔ اجلاس کے آخر میں غزہ وفلسطین اور لبنان کے مظلوم مسلمانوں کی آزادی،عالم اسلام کے اتحاد، حرمین شریفین کے تحفظ، ملک پاکستان کی سلامتی و استحکام، ترقی وخوشحالی، اتحادو وحدت کے لیے خصوصی دعا کی گئی۔
