وزیراعلی مریم نواز کے دورہ چین کے فوری ثمرات، عوام کے لیے بڑی خوشخبری

لاہور (کھوج نیوز ) وزیرِ اعلی پنجاب مریم نواز شریف سے چین کے اعلی سطح وفد کی پنجاب ہاؤس اسلام آباد میں ملاقات ۔اس ملاقات میں چینگ ڈو جنرل کوآرڈینیٹر برائے آئی سی ٹی ہب مس اسکارلٹ اور ڈپٹی سی ای او ہواوے مسٹر یو رے شامل تھے ۔ اس ملاقات میں چینگ ڈو کی نے 700ملین ڈالر کی انوسٹمنٹ پر رضامند ی ظاہر کی ہے۔وزیراعلی مریم نوازشریف نے اس کی اصولی منظوری بھی دے دی ہے۔اس ملاقات میں یہ بھی طے پایا ہے کہ چین پنجاب حکو مت کے تعاون سے ای- ٹیکسی سروس کا جلد آغاز ہو گا۔اس کے علاوہ لاہور نوازشریف آئی ٹی سٹی میں چینی کمپنی کمپیوٹنگ سنٹر بھی قائم کرے گی۔نوازشریف آئی ٹی سٹی میں ڈیٹا او رکلاؤڈ سنٹر قائم کرنے پر اتفاق ہو اہے۔

فیز ٹو میں نوجوانوں کو آرٹیفیشل انٹیلی جنس ٹیکنالوجی سے متعارف کرانے کے لئے اے آئی انڈسٹری سنٹر بھی قائم ہوگا ۔چینی حکومت پنجاب میں پلیٹ فارم سروس کیپسٹی بلڈنگ کے لئے بھی معاونت بھی کرے گی۔

فیز تھری میں انڈسٹریز کے قیام کے لئے لوکل انوسٹمنٹ میں معاونت کا جائزہ لیا جائے گا۔ پاکستانی نوجوانوں کوٹیکنالوجی کے جدید تقاضوں سے متعارف کرانے کے لئے بھی اشتراک کیا جائے گا۔

اس موقع پر وزیر اعلی مریم نواز نے کہا کہ ہم چین کے تعاون سے پنجاب کو سب سے بڑا آرٹیفشل انٹیلی جنس سنٹر بنانا چاہتے ہیں ۔انھوں نے کہاکہ پنجاب بہت جلد خطے میں آئی ٹی ہب بنے گا ۔انھوں نے کہا کہ ہم اپنے بچوں کو آئی ٹی میں میں سب سے بہتردیکھنا چاہتے ہیں۔