چوہدری پرویزالہی بڑی مشکل میں پھنس گئے

لاہور (کھوج نیوز)پرویز الہی سمیت دیگر کے خلاف گجرات ترقیاتی منصوبوں میں کرپشن اور کک بیکس ریفرنس پر سماعت ہوئی، احتساب عدالت کے جج زبیر شہزاد کیانی نے ریفرنس پر سماعت کی۔ترقیاتی منصوبوں میں مبینہ کرپشن ریفرنس میں عدالت نے سابق وزیر اعلی پنجاب اور پی ٹی آئی کے سینئر رہنما چوہدری پرویز الہی پر نیب ریفرنس میں فرد جرم عائد کردی گئی۔پرویز الہی نے صحت جرم سے انکار کردیا، عدالت نے آئندہ سماعت پر گواہوں کو طلب کرلیا۔عدالتی عملے نے پرویز الہی کی حاضری گاڑی میں جاکر مکمل کی، فرد جرم کی شیٹ پر پرویز الہی نے دستخط بھی کیے ہیں۔

ملزمان پر گجرات ترقیاتی منصوبوں میں رشوت اور کک بیکس کا الزام ہے، نیب ریفرنس میں کہا گیا کہ پرویز الہی اور مونس الہی نے محمد خان بھٹی کے ذریعے کک بیکس وصول کیے، سابق پرنسپل سیکرٹری محمد خان بھٹی پرویز الہی کا فرنٹ مین ہے، محمدخان بھٹی نے من پسند افسران کی پنجاب ہائی وے ڈیپارٹمنٹ میں تعیناتی کرائی۔