کیا بجلی کے بل کم ہوں گئے؟حکومت آئی ایم ایف کو منانے میں نا کام

اسلام آباد (کھوج نیوز) بین الاقوامی مالیاتی فنڈ (آئی ایم ایف) کی جانب سے وزارت توانائی کی درخواست مسترد کردی گئی ہے۔اس درخواست میں حکومت نے آئی ایم ایف سے بجلی کے بلوں میں سیلز ٹیکس کم کرنے پر رائے مانگی تھی۔آئی ایم ایف کا اس حوالے سے کہنا ہے کہ قرض پروگرام کے تحت نئے ٹیکسز سے چھوٹ نہیں دی جا سکتی۔ آئی ایم ایف نے وضاحت کی ہے کہ سیلز ٹیکس چھوٹ سے ٹیکس اہداف کا حصول ممکن نہیں رہے گا۔

بجلی کے بلوں پر 18 فیصد جی ایس ٹی دو مرتبہ عائد ہے۔ ایک بار بل کی مجموعی رقم پر 18 فیصد ٹیکس لگ جاتا ہے جب کہ دوسری مرتبہ فیول پرائس ایڈجسٹمنٹ پر بھی سیلز ٹیکس لیا جاتا ہے۔