ویزا شرائط میں نرمی، 12سال بعد پاکستانی تجارتی وفد بنگلہ دیش پہنچ گیا

اسلام آباد(کھوج نیوز) پاکستانیوں کے لئے ویزا شرائط میں نرمی کے بعد 12سال بعد پاکستانی تجارتی وفد بنگلہ دیش پہنچ گیا ہے اس وفد کی صدارت ایف پی سی سی آئی کے صدر کر رہے ہیں۔

تفصیلات کے مطابق فیڈریشن آف پاکستان چیمبرز آف کامرس اینڈ انڈسٹری (ایف پی سی سی آئی) کے صدر عاطف اسلم شیخ کی صدارت میں جانے والے وفد میں مختلف شعبوں سے تعلق رکھنے والے 35 سے زائد برآمد کنندگان اور صنعت کار شامل ہیں۔ پاکستانی وفد نے بنگلادیشی وزیر تجارت بشیر الدین سے ملاقات کی جبکہ وفد بنگلادیش کے چیف ایڈوائزر محمد یونس سے بھی ملاقات کرے گا۔ ایف پی سی سی آئی کے صدر عاطف اسلم شیخ کے مطابق بنگلادیشی وزیر تجارت نے پاکستان سیتجارتی تعلقات کو ترجیح دینیکا کہا ہے۔