وزیر اعلی پنجاب مریم نواز کی جاپان کے سفیر سے اہم ملاقات

لاہور(کھوج نیوز )وزیر اعلی پنجاب مریم نواز شریف سے جاپان کے سفیر اکاماتسو شوئیچی نے ملاقات کی۔اس ملاقات میں دونو ں ممالک کے درمیان باہمی تعلقات ،تجارتی تعاون اور مختلف شعبوں میں سر مایہ کاری کے فروغ کی یقین دہانی کرائی گئی۔وزیر اعلی پنجاب نے 2022 کے سیلاب میں جاپان کی معاونت جاپان کی حکومت اور عوام کا شکریہ ادا کیا۔

اس مو قع پر مریم نواز کا کہنا تھا کہ پاکستان اور جاپان کے درمیان گہرے دوستانہ تعلقات موجود ہیں۔انھوں نے کہا کہ جاپان نے ہمیشہ مشکل وقت میں پاکستان کا ساتھ دیا ہے اور ہم جاپانی حکومت اور عوام کے شکرگزار ہیں۔ وزیر اعلی پنجاب نے کہا کہ جاپانی سرمایہ کاروں کے لیے پنجاب میں ہر ممکن سہولت اور تحفظ فراہم کیا جائے گا۔ انھوں نے مزید کہا کہ زراعت، معدنیات، آئی ٹی، اے آئی، روبوٹکس اور توانائی کے شعبوں میں جاپان کا تعاون چاہتے ہیں ۔

جاپانی سفیر اکاماتسو شوئیچی نے وزیرِ اعلی مریم نواز کے ترقیاتی منصوبوں اور عوامی فلاح کے اقدامات کو بھی سراہا۔