وزیر صحت پنجاب کی امریکن قونصل جنرل سے اہم ملاقات

لاہور (کھوج نیوز )وزیر صحت پنجاب خواجہ عمران نذیر نے امریکن قونصل جنرل کرسٹن ہاکنز سے ملاقات کی۔اس ملاقات میں وزیر صحت پنجاب نے یو ایس قونصل جنرل کو وزیراعلی پنجاب کے صحت پروجیکٹس سے متعلق آگاہ کیا۔ انھوں نے مریم نواز ہیلتھ کلینک، کلینک آن ویلز، فیلڈ اسپتال، بنیادی و دیہی مراکز صحت کی ریویمپنگ سے متعلق بھی آگاہ کیا۔

اس موقع پر وزیر صحت پنجاب نے کہا کہ وزیر اعلی پنجاب مریم نواز کے صحت سے متعلق اقدامات نئی جہتوں سے روشناس ہوگئے۔ انھوں نے کہا کہ بنیادی مراکز صحت کو آؤٹ سورس ماڈل کے تحت پائلٹ پراجیکٹ متعارف کرایا گیا ہے۔ ان نے کہا کہ ماڈل کامیاب ہونے کی صورت میں مزید مراکز صحت آؤٹ سورس کیے جائیں گے۔ان نے کہا کہ عوام کو مقامی سطح پر جدید نظام صحت کی سہولیات فراہم کرنا پنجاب کا ویژن ہے۔