خیبرپختونخوا حکومت بھی شر پسندوں کیخلاف میدان میں آگئی، خطرے کی گھنٹی بجا دی

خیبرپختونخوا (کھوج نیوز) خیبرپختونخوا حکومت بھی شرپسندوں کے خلاف میدان میں آگئی ہے اور ضلع کرم کے متاثرہ علاقوں میں شرپسندوں کے خلاف خطرے کی گھنٹی بجا دی ہے۔

تفصیلات کے مطابق ترجمان خیبرپختونخوا حکومت بیرسٹر سیف کے مطابق پشاور میں کرم کی صورتحال پر اعلی سطح کی بیٹھک ہوئی۔ چیف سیکرٹری، آئی جی پولیس اور سول و پولیس افسران بیٹھک میں شامل ہوئے۔ بیرسٹر سیف کے مطابق شرپسند عناصر کے خلاف بلا تفریق سخت کارروائی کرنیکا فیصلہ کیا گیا ہے۔متاثرہ علاقوں میں چند شرپسندوں کے خلاف کارروائی ناگزیر ہوچکی ہے۔ ترجمان خیبرپختونخوا حکومت کا کہنا تھا کہ امن معاہدے پر قانون کے مطابق عمل درآمد کرایا جائیگا، خدشہ ہے کہ امن پسند لوگوں کے درمیان کچھ شرپسندگھس گئے ہیں، متاثرہ علاقوں کے عوام کی رہائش کے لیے بہترین متبادل انتظامات کیے ہیں۔ بیرسٹر سیف کا کہنا تھا کہ صوبائی حکومت 3 ماہ سے کرم میں امن بحال کرنے کی کوشش کر رہی ہے، کرم میں چند شرپسند عناصر نے امن معاہدے کو سبوتاژ کرنیکی کوشش کی، شرپسندوں نے ڈپٹی کمشنر پر قاتلانہ حملہ کیا جس میں وہ شدید زخمی ہوگئے، شرپسند عناصر امدادی سامان کے قافلوں کو بھی نشانہ بنا رہے ہیں۔