چیئرمین نیب کا ملتان نیب آفس کا اہم دورہ

ملتان (کھوج نیوز)چیئرمین نیب لیفٹیننٹ جنرل(ر)نذیر احمد کا نیب آفس ملتان کا دورہ کیا۔ڈی جی نیب ملتان نے چیئرمین نیب کو اہم کیسزپر بریفنگ دی ۔چیئرمین نیب نے بورڈ آف ریونیو پنجاب، محکمہ ریونیو جنوبی پنجاب اور چولستان ڈویلپمنٹ اتھارٹی کے نمائندگا ن اور محکمہ جنگلات جنوبی پنجاب کے نمائندوں کے اجلاس کی بھی صدرات کی ۔ اجلاس میں چیئرمین نیب نے جنوبی پنجاب کے تمام سرکاری محکموں کو باہمی تعاون بڑھانے کی ہدایات جاری کرتے ہو ئے کہا کہ ریاستی اراضی کے تحفظ کے لیے سرکاری زمینوں کی باقاعدہ نشاندہی کی جائے۔ ا نھوں نے کہا کہ تمام غیر قانونی قابضین سے سرکاری زمینیں فوری واگزار کروائی جائیں۔چیئرمین نیب نے کہا کہ قومی ترقی کیلئے تمام سرکاری محکموں کو نیب بھرپور مدد فراہم کرے گا۔چیئرمین نیب نے نیب ملتان کی کوششوں کو سراہا اور بدعنوانی سے نمٹنے کے لیے مختلف اہداف تفویض کیے۔