پاکستان ایک ٹریلین ڈالر کی معیشت کیسے بن سکتا ہے ؟

لاہور(کھوج نیوز) عالمی بینک کے جنوبی ا یشیا کے صدر مارٹن ریزر نے کہا ہے کہ حکومت کی معاشی بحالی کے 5 سالہ منصوبے بہت پائیدار ہیں اور ان کی وجہ سے پاکستان 2035 تک1 ٹریلین ڈالر کی معیشت بن سکتا ہے مگر اس کے لیے معاشی اصلاحات پر عملدرآمد کو یقینی بنانا ہوگا۔ان کا کہنا تھا کہ پاکستان کو یہ ہدف پورا کرنے کے لیے ہر سال 7 فیصد کی شرح نمو سے ترقی کرنا لازمی ہوگا۔

ان نے کہا کہ عالمی بینک نے کنٹری پارٹنرشپ فریم ورک کے تحت پاکستان کو 10سال میں20 ارب ڈالر کے قرضے یا مالی تعاون کی یقین دہانی کرانے سے قبل حزب اختلاف سمیت سیاسی جماعتوں کو اعتماد میں لیا ہے۔کنٹری پارٹنرشپ فریم ورک کے تحت ورلڈ بینک نے پاکستان کو قرضے یا مالی تعاون کی جو یقین دہانی کرائی ہے وہ ایک تخمینہ ہے مگر پاکستان مختلف پروگرامز کے تحت رعایتی قرضے حاصل کر سکتا ہے۔

مارٹن ریزر کا کہنا تھا کہ پاکستان کو اپنے موجودہ وسائل پر توجہ دینی چاہئے، پاکستان کے پاس بہت سارے ایسے مواقع ہیں جن سے وہ مزید سرمایہ کاری کو راغب کر سکتا ہے۔