چیمپئنزٹرافی کی نشریات پر عطا تارڑ کا اہم بیان

اسلام آباد(کھوج نیوز )وفاقی وزیر اطلاعات عطااللہ تارڑ نے میڈیا سے گفتگو کرتے ہوئے کہا کہآئی سی سی چیمپئن ٹرافی کا پاکستان آنا ہمارے لئے باعث اعزاز ہے۔انھوں نے کہا کہ کئی سالوں بعد پاکستان میں بڑے ایونٹس کا آغاز ہو رہا ہے،ماضی میں پاکستان میں کھیل کے میدان ویران ہو گئے تھے۔عطا تارڑ کا کہنا تھا کہ پی ٹی وی نیشنل براڈ کاسٹر ہے، پی ٹی وی سپورٹس کی ریٹنگ میں بھی اضافہ ہوا ہے۔ان نے کہا کہ ہم نے آئی سی سی کے رائٹس کے حصول کے لئے بروقت ادائیگی کی، ان کی تمام شرائط پوری کی ہیں۔ وفاقی وزیر اطلاعات نے کہا کہ کرکٹ نشریات کے لئے اچھا پینل ترتیب دے رہے ہیں، شعیب اختر، شعیب ملک سمیت دیگر سٹارز کو سکرین پر لایا جائے گا۔ان نے کہا کہ ہماری کوشش ہے کہ شفاف نظام کے تحت سپورٹس چینل کو بحال کیا جائے۔

وفاقی وزیر کا کہنا تھا کہ ریڈیو پاکستان میں آن لائن پنشن کا اچھا نظام متعارف کرایا گیا ہے،گھوسٹ ملازمین کی شناخت کرنے والے افسران کو شاباش دینی چاہئے۔انھوں نے کہا کہ گھوسٹ ملازمین کو نکال کر قوم کا پیسہ بچایا ہے، باقی اداروں میں بھی اس طرح کام کرنے کی ضرورت ہے، پی ٹی وی اور ریڈیو پاکستان میں مثبت تبدیلی دیکھنے میں آئے گی۔