پیکا ترمیمی ایکٹ، صدر آصف علی زرداری صحافیوں کے لیے کیا کرنے جا رہے ہیں؟

اسلام آباد(کھوج نیوز)پیکا ترمیمی ایکٹ بل جو گز شتہ روز سینیٹ سے منظور ہو گیا تھا لیکن تاہم آج صدر مملکت آصف علی زرداری نے بل پر دستخط کرنے سے روک دیا ہے ۔ذرائع کا کہنا ہے کہ رپورٹر ایسوسی ایشن نے جے یو آئی کے سربراہ مولانا فضل الرحمان کے ذریعے صدر مملکت آصف علی زرداری سے رابطہ کیا، مولانا فضل الرحمان نے پارلیمانی رپورٹرز کے تحفظات صدر مملکت تک پہنچا دیئے۔

ذرائع کا کہنا ہے کہ صدر مملکت نے مولانا فضل الرحمن کی درخواست پر بل کچھ وقت کے لیے روک لیا، صدر مملکت آصف علی زرداری نے پی آر اے کی پیکا ترمیمی بل پر فوری دستخط نہ کرنے کی درخواست مان لی۔ذرائع کا یہ بھی کہنا تھا کہ پیکا ایکٹ پر دستخط سے قبل وزیر داخلہ اور صحافتی تنظیموں کی ملاقات پر غور جاری ہے، وزیر داخلہ محسن نقوی اور پارلیمانی رپورٹرز کے درمیان جلد ملاقات متوقع ہے۔