کرم کی ضلعی انتظامیہ کا کے پی کے حکومت سے کروڑوں روپے کا مطالبہ

پشاور (کھوج نیوز) کرم کی ضلعی انتظامیہ نے خیبرپختونخوا (کے پی کے ) حکومت سے کروڑوں روپے کا مطالبہ کیوں کیا؟ اس حوالے سے چونکا دینے والی خبر سامنے آنے کے بعد سب حیران رہ گئے ہیں۔

تفصیلات کے مطابق سرکاری ذرائع نے بتایا ہے کہ ڈی سی کرم نے نقصانات کے ازالے کیلئے صوبائی حکومت سے 60 کروڑ روپے مانگ لیے ہیں۔ سرکاری ذرائع کا بتانا ہے کہ بگن میں 700 دکانوں اور 300 سے زیادہ گھروں کو نقصان پہنچا، 2 پیٹرول پمپس، 12 گاڑیاں اور 200 جانوروں کو بھی نقصان پہنچا۔ سرکاری ذرائع کے مطابق نقصانات سے متعلق کمشنر کوہاٹ کی سربراہی میں کمیٹی قائم کر دی گئی ہے، کمیٹی میں ڈی سی کرم، ڈی جی پی ڈی ایم اے اور دیگر اداروں کے اہلکار شامل ہیں، کمیٹی نقصانات کی تصدیق، رقوم کی تقسیم اور دیگر معاملات دیکھے گی۔