ملک بھر میں شعبان المعظم کا چاند نظر آگیا، شب برات کب ہوگی؟

اسلام آباد(کھوج نیوز) ملک بھر میں شعبان المعظم 1446 ہجری کا چاند نظر آگیا ہے شب برأت کب ہوگی؟ تاریخ اور دن کا نام بھی سامنے آگیا ہے جس کے بعد عوام نے تیاری شروع کر دی ہے۔

تفصیلات کے مطابق شعبان المعظم کا چاند دیکھنے کے لیے مولانا عبدالخبیرآزاد کی زیرصدارت مرکزی رویت ہلال کمیٹی کا اجلاس اسلام آباد میں ہوا۔ اجلاس میں زونل کمیٹی کے ممبران اور متعلقہ محکموں کے حکام شریک ہوئے۔ اس دوران ملک بھرسے شہادتیں جمع کی گئیں۔اجلاس کے بعد مرکزی رویت ہلال کمیٹی کے چیئرمین مولانا عبدالخبیرآزاد نے اعلان کیا کہ ملک میں شعبان کا چاند نظر آنے کی شہادتیں موصول ہوئی ہیں اور کل 31 جنوری کو یکم شعبان ہوگی۔ مرکزی رویت ہلال کمیٹی کے چیئرمین مولانا عبدالخبیرآزاد نے کہا کہ شب برات 13 فروری بروز جمعرات ہوگی۔