پی ٹی آئی اور حکومتی مذاکرات پر وفاقی وزیرداخلہ اوراسپیکر قومی اسمبلی کی اہم ملاقات

لاہور(کھوج نیوز) وفاقی وزیرداخلہ محسن نقوی نے اسپیکر قومی اسمبلی ایاز صادق سے ملاقات کی ہے ۔اس ملاقات میں باہمی دلچسپی و سیاسی امور اور ملک کی مجموعی صورتحال پر تبادلہ خیال کیا گیا ۔ملاقات میں مذاکرات کے لئے حکومت کی جانب سے مثبت پیش رفت کے باوجود پی ٹی آئی کے روئیے پر بھی گفتگو کی گئی۔تفصیلات کے مطابق وزیر داخلہ محسن نقوی نے تمام اپوزیشن و حکومتی جماعتوں کو ساتھ لے کر چلنے میں سپیکر قومی اسمبلی ایاز صادق کی کاوشوں کو سراہا۔دونوں رہنماؤں نے ملک کی بہتر ہوتی ہوئی معاشی صورتحال پر اطمینان کا اظہار بھی کیا۔ملاقات میں عوامی مسائل کے حل کیلئے کئے گئے حکومتی اقدامات پر بھی بات چیت کی گئی۔