پاکستان
وزیر اعلی علی امین گنڈا پور اپنی پارٹی رہنماؤں پر برس پڑے
کوئی بھی شخص جو خود کو پارٹی سے منسلک کرلیتا ہے اور پھر بیانات دیتا ہے یا ایسی کوئی حرکت کرتا ہے جس سے پارٹی کو نقصان ہوتا ہے تو وہ آستین کا سانپ ہی کہلاتا ہے:علی امین گنڈا پور
پشاور(کھوج نیوز ) چینل سے گفتگو کرتے ہوئے وزیراعلی خیبر پختونخوا علی امین گنڈاپور نے کہا کہ کوئی بھی شخص جو خود کو پارٹی سے منسلک کرلیتا ہے اور پھر بیانات دیتا ہے یا ایسی کوئی حرکت کرتا ہے جس سے پارٹی کو نقصان ہوتا ہے تو وہ آستین کا سانپ ہی کہلاتا ہے۔انھوں نے کہا ہے کہ آستین کے سانپ ہر سیاسی جماعت میں ہوتے ہیں مگر ہماری پارٹی میں زیادہ ہوگئے ہیں۔وزیر اعلی کاکہنا تھا کہ جو لوگ پارٹی منشور کے برعکس پروپیگنڈا کررہے ہیں، وہ بانی پی ٹی آئی عمران خان کی بہنوں کے خلاف جارہے ہیں، اسی لیے وہ آستین کے سانپ ہیں۔
مذاکرات کے حوالے سے علی امین گنڈاپور نے کہا کہ حکومت کمیشن بنانے سے ڈر رہی ہے، جب یہ کمیشن بنا لیں گے تو تمام حقائق سامنے آجائیں گے، اگر ہمارے لوگ قصوروار ہوئے تو تسلیم کریں گے۔
