پنجاب اسمبلی کے ارکان نے ملاقات کے دوران نواز شریف کو مریم نواز کے متعلق کیا کہا ؟

لاہور(کھوج نیوز ) پاکستان مسلم لیگ(ن )کے صدر محمد نواز شریف اور وزیراعلی پنجاب مریم نوازشریف سے پنجاب اسمبلی کے ارکان نے ملاقات کی۔ملاقات کرنے والوں میںگوجرانوالہ، نارووال، سیالکوٹ کے اضلاع سے تعلق رکھنے والے ارکان شامل تھے۔ ملاقات میں ملک کی مجموعی صورتحال، پنجاب میں ترقیاتی عمل اور عوام کی خدمت کے منصوبوں پر غور کیاگیا۔ ملاقات میں قومی اور صوبائی سطح پرمعاشی ترقی، عوامی فلاح کے منصوبوں سمیت دیگر شعبوں میں مستقبل کی حکمت عملی پر مشاورت بھی ہوئی۔اس کے علاوہ اس ملاقات میں وزیردفاع خواجہ محمد آصف، سینیٹر پرویز رشید، رانا ثنا اللہ، پنجاب کی سینیئر وزیر مریم اورنگزیب اور راشد نصر اللہ بھی اجلاس میں موجود تھے۔

ملاقات میں ارکان سے گفتگو کرتے ہوئے مسلم لیگ ن کے صدر نواز شریف کا کہنا تھا کہ مہنگائی کی رفتار میں کمی کا آنا معاشی بہتری کا اشارہ ہے۔انھوں نے کہا کہ سٹاک ایکسچینج کی بلندی کاروباری اور سرمایہ کار برادری کے اعتماد کی جھلک ہے۔مسلم لیگ کے صدر کا کہنا تھا کہ ترقی کی طرف سفر کی رفتار کا بڑھنا خوشگوار تبدیلی کی آمد کی علامت ہے اور پاکستان کو جس پستی کی طرف دھکیل دیاگیا تھا اس میں ٹھہرا آنا خوش آئیند ہے ۔ان نے کہا کہ وزیراعظم شہباز شریف وفاق میں بڑی محنت سے کام کررہے ہیں، اللہ تعالی کا فضل ہورہا ہے ۔نواز شریف نے وزیر پنجاب کی تعریف کرتے ہوئے کہا کہ مریم نوازشریف وزیراعلی سے بڑھ کر پنجاب میں ایک ماں اور بیٹی کے جذبے سے کام کررہی ہے۔

ارکان پنجاب اسمبلی کی گفتگو میں کہا کہ میاں صاحب آپ مریم نوازجیسی بہادر اور لائق بیٹی پر جتنا فخرکریں کم ہے۔ارکان کا کہنا تھا کہ میاں نوازشریف کا نام لگا ہے تو برکت ہی برکت ہے، الحمدللہ۔مریم نواز شریف ایک سال میں ہر طبقے کی بحالی کے پرگرام لائی ہیں، لوگ دعائیں دے رہے ہیں۔انھوں نے کہا کہ ستھرا پنجاب، کسان کارڈ، سکالرشپ پروگرام، سڑکوں کی تعمیر و بحالی، ‘دھی رانی پروگرام، بنیادی اور دیہی مراکز اور صحت کے پورے نظام کی اپ گریڈیشن کے کام عوام کی خدمت کے نشان ہیں۔