وزیراعلی پنجاب مریم نواز شریف کا یومِ یکجہتی کشمیر پر پیغام

لاہور(کھوج نیوز)وزیر اعلی پنجاب مریم نواز شریف نے یومِ یکجہتی کشمیر پر پیغام دیتے ہوئے کہا کہ ہر پاکستانی کے دل میں کشمیر کی محبت لہو بن کر دوڑتی ہے۔
انھوں نے کہا کہ جانوں کا نذرانہ دے کر حقِ خودارادیت کی شمع روشن رکھنے والے کشمیری شہدا کو خراجِ عقیدت پیش کرتی ہوں۔وزیر اعلی کا کہنا تھا کہ سلام ان کشمیری بہن بھائیوں کو جو سات دہائیوں سے بھارتی سفاکیت کا ڈٹ کر مقابلہ کر رہے ہیں۔بھارتی بربریت نے جنت نظیر وادی کو جیل بنا دیا ہے۔انھوں نے کہا کہ اقوام متحدہ اور دیگر عالمی ادارے کشمیر میں جاری خونریزی اور انسانی حقوق کی پامال کے خلاف اپنا کردار ادا کریں۔مریم نواز کا کہنا تھا کہ جب تک مسئلہ کشمیر اقوامِ متحدہ کی قراردادوں کے مطابق حل نہیں ہوتا، پائیدار امن ایک خواب ہی رہے گا۔ان نے کہا کہ تاریخ گواہ ہے کہ ظلم کبھی زیادہ دیر نہیں ٹھہرتا،کشمیری عوام کی قربانیاں رائیگاں نہیں جائیں گی۔ہر عالمی فورم پر کشمیری عوام کے حق میں آواز بلند کرتے رہیں گے۔