عمران خان کا دبنگ اعلان، شیر افضل مروت کی بولتی بند، ترلے منتیں کرنے پر مجبور

اسلام آباد(کھوج نیوز) پاکستان تحریک انصاف کے بانی عمران خان کے دبنگ اعلان کے بعد شیر افضل مروت کی بولتی بند ہو گئی ہے اور اب وہ ترلے منتیں کرنے پر مجبور ہو گئے ہیں۔

تفصیلات کے مطابق بانی پی ٹی آئی عمران خان نے پارٹی رہنماؤں کو شیر افضل مروت کو تحریک انصاف سے نکالنے کی ہدایات دے دیں۔تفصیلات کے مطابق پارٹی رہنما شیر افضل مروت کی بنیادی رکنیت ختم کرنے کا نوٹیفکیشن جاری کریں گے۔اس کے بعد بنیادی رکنیت ختم ہونے پر شیر افضل مروت سے بطور رکن قومی اسمبلی استعفی بھی طلب کیا جائے گا۔ شیر افضل مروت کے صوابی جلسہ میں کردار پر پارٹی رہنماؤں نے بانی پی ٹی آئی سے شکایت کی تھی۔اس سے قبل پاکستان تحریک انصاف نے پارٹی پالیسی کی خلاف ورزی کے الزام میں شیر افضل مروت کو شوکاز نوٹس جاری کردیا ہے۔شوکاز نوٹس میں کہا گیا ہے کہ بانی پی ٹی آئی عمران خان کے واضح احکامات کے باوجود شیر افضل مروت نے پارٹی کے سیکرٹری جنرل سلمان اکرم راجہ اور حکومت سے ہونے والے مذاکرات کے خلاف بیانات دیے ہیں جو پارٹی پالیسی کی خلاف ورزی ہے۔