عوام کی جدید طبی سہولیات کے لیے وزیر اعلی کا ایک اور اسپتال کا افتتاح

لاہور(کھوج نیوز) وزیراعلی پنجاب مریم نواز شریف نے لاہور سمارٹ سٹی میں سٹیٹ آف دی آرٹ سعودی جرمن ہسپتال کا سنگ رکھ دیا۔وزیراعلی مریم نواز نے بتر جی گروپ کے سربراہ صو بھی بتر جی کے ساتھ بٹن دباکر سعودی جرمن ہسپتال کا سنگ بنیاد رکھا۔لاہور بتر جی میڈیکل سٹی میں مجموعی طور پر 500 بیڈز ہونگے۔اس سعودی جرمن ہسپتال 250 ملین ڈالرز سے تعمیر ہو گا۔

وزیر اعلی مریم نواز کا کہنا تھا کہ سعودی جرمن ہسپتال دنیا بھر جدید طبی ٹیکنالوجی اور معیاری علاج کی خدمات کے لئے نمایاں ہے۔انھوں نے کہا کہ سعودی جرمن ہسپتال لاہور سمیت پنجاب بھر کے عوام کو اعلی معیار کی جدید طبی سہولیات فراہم کرئے گا۔سعودی جرمن ہسپتال کو جدید میڈیکل ٹیکنالوجی اور بین الاقوامی معیار کی سہولتوں سے آراستہ کیا جائے گا۔وزیر اعلی کا کہنا تھا کہ لاہور سمارٹ سٹی میں قائم ہونے والے سعودی جرمن ہسپتال سے نوجوانوں کو روزگار کے نئے مواقع میسر ہونگے ۔سعودی جرمن ہسپتال نیٹ ورک سعودی عرب، متحدہ عرب امارات، مصر، مراکش، اور یمن میں کامیابی سے خدمات فراہم کر رہا ہے۔پنجاب میں ہیلتھ سسٹم میں بہتری کے لئے نجی شعبے کا خیر مقدم کریں گے ۔مریم نواز نے کہا کہ پنجاب کا پورا ہیلتھ سسٹم بدلنا اور بہتر کرنا چاہتی ہوں۔