چولستان منصوبہ کیلئے پانی کا معاملہ، ارسا کا جواب بھی سامنے آگیا

اسلام آباد(کھوج نیوز) چولستان منصوبے کو پانی فراہم کرنے کے معاملہ پر انڈس ریور سسٹم اتھارٹی (ارسا) کا جواب بھی سامنے آگیا ہے جس کے بعد کیا فیصلہ لیا جائے گا؟ تفصیل آگئی۔

تفصیلات کے مطابق انڈس ریور سسٹم اتھارٹی (ارسا) نے چولستان منصوبے کو پانی فراہم کرنے کی منظوری دے دی۔ سیکرٹری ارسا نے پنجاب حکومت کو پانی دستیابی کا سرٹیفکیٹ جاری کردیا۔ ذرائع کے مطابق ارسا کی منظوری کے بعد پنجاب حکومت دریائے ستلج سلیمانکی ہیڈورکس سے چولستان کینال نکالے گی۔ ارسا حکام نے بتایاکہ چولستان منصوبے کیلئے 4 لاکھ 50 ہزار ایکڑفٹ پانی دستیاب ہوگا۔ دوسری جانب صوبہ سندھ میں دریائے سندھ سے نہریں نکالنے کے منصوبے کے خلاف مختلف جماعتوں کی جانب سے احتجاج کیا جا رہا ہے۔