سینیٹر اعجاز چوہدری کی طبیعت انتہائی ناساز، اسپتال منتقل

لاہور(کھوج نیوز) کوٹ لکھپت جیل میں قید پاکستان تحریک انصاف کے بزرگ رہنماء اور سینیٹر اعجاز چوہدری کی طبیعت انتہائی ناساز ہو گئی ہے جس کے بعد انتہائی اسپتال میں منتقل کر دیا گیا ہے۔

تفصیلات کے مطابق کوٹ لکھپت جیل میں قید پاکستان تحریک انصاف کے بزرگ رہنما اور سینیٹر اعجاز چوہدری کو طبیعت خراب ہونے پر اسپتال منتقل کردیا گیا۔ پی ٹی آئی رہنما کے ترجمان کی جانب سے جاری بیان کے مطابق کوٹ لکھپت جیل میں اعجاز چوہدری کی طبیعت انتہائی ناساز ہوئی جس کے بعد انتظامیہ نے انہیں سخت سکیورٹی میں اسپتال منتقل کیا۔ ترجمان کے مطابق اعجاز چوہدری کے دل کی شریانوں کی پیوندکاری کی گئی ہے جس کے بعد ان کی حالت اب پہلے سے بہتر اور خطرے سے باہر ہے۔