وفاقی کابینہ میں کونسے نئے وزراء کو شامل کیا جا رہا ہے؟ نام سامنے آگئے

اسلام آباد(کھوج نیوز) وفاقی کابینہ میں توسیع کا فیصلہ کرلیا گیا ہے جس کے بعد اب کونسے نئے اور کتنے وزراء شامل کیے جا رہے ہیں؟ اس حوالے سے سب کے نام سامنے آگئے ہیں۔

تفصیلات کے مطابق ذرائع نے بتایا ہے کہ مسلم لیگ (ن) کے حنیف عباسی اور طارق فضل چوہدری، بلوچستان عوامی پارٹی کے خالد مگسی اور متحدہ قومی موومنٹ کے مصطفی کمال کو وفاقی کابینہ میں شامل کرنے کا فیصلہ کیا گیا ہے۔ ذرائع نے بتایاکہ حنیف عباسی کو وزارت ریلوے، ڈاکٹر طارق فضل چوہدری کو وزارت قومی صحت کا قلمدان دینے کا امکان ہے۔ ذرائع کا کہنا ہے کہ خالد مگسی کو وزارت مواصلات اور مصطفی کمال کو سائنس و ٹیکنالوجی کی وزارت دی جاسکتی ہے۔ سائنس و ٹیکنالوجی کی وزارت اِس وقت خالد مقبول صدیقی کے پاس ہے جبکہ ان کے پاس وزارت وفاقی تعلیم کا بھی قلمدان ہے۔ ذرائع کے مطابق وزارت وفاقی تعلیم خالد مقبول صدیقی کے پاس ہی رہے گی۔