ڈیزل بسوں کی الیکٹرک بسوں میں تبدیلی، ہائیکورٹ کا بڑا حکمنامہ آگیا

لاہور( کھوج نیوز) ڈیزل بسوں کو الیکٹرک بسوں میں تبدیل کرنے کے معاملہ پر لاہور ہائیکورٹ کا بڑا حکمنامہ آگیا ہے جس کے بعد پنجاب حکومت نے پالیسی بنانے کا اعلان کر دیا ہے۔

تفصیلات کے مطابق لاہور ہائیکورٹ کے جسٹس شاہد کریم نے ماحولیاتی آلودگی سے بچاکے معاملے پر درخواست کی سماعت کی جس سلسلے میں متعلقہ حکام عدالت میں پیش ہوئے۔ جسٹس شاہد کریم نے کہا کہ ڈیزل بسوں کو الیکٹرک بسز میں تبدیل کرنے کے لئے فیز آؤٹ پالیسی بنانی چاہیے، الیکٹرک بسوں کی طرف جانا بہت ضروری ہے چاہے اس میں 2، 3 سال کاعرصہ لگ جائے۔ لاہور ہائیکورٹ نے پنجاب ٹرانسپورٹ ڈپارٹمنٹ کورکشہ مینوفیکچررز پربھی پالیسی بنانیکاحکم بھی دیا۔

جسٹس شاہد کریم نے کہا کہ محکمہ ٹرانسپورٹ کو رکشوں سے متعلق پالیسی بنانی چاہیے، رکشوں کو الیکٹرک رکشاز میں کنورٹ کیاجاسکتا ہے، بھارت اور دیگر ممالک میں کامیابی سے کیاجاچکا ہے، رکشا مینوفیکچررزکو ساتھ ملا کرپلان بناناچاہیے کہ دھواں کی سیکنٹرول کیاجاسکتا ہے۔ عدالت نے کہا کہ صبح میں اسکول جاتیہوئے اور چھٹی کے ٹائم ایک مربوط ٹریفک پلان بنانا ضروری ہے، بڑے اسکولوں کے لئے پارکنگ ایریا لازم ہونا چاہیے، لوگوں کوحکومت کے ساتھ مل کر چلناہوگا، گھرکے آگے صفائی اور خوبصورتی کاخیال کرناہوگا۔