صدر مملکت اور وزیراعظم نے عید کی نماز کہاں ادا کی؟

لاہور(کھوج نیوز) صدرمملکت صدر آصف علی زرداری ، وزیراعظم میاں شہباز شریف اور چیئرمین سینیٹ یوسف رضا گیلانی سمیت وزراء نے عید کی نماز کہاں ادا کی؟ تفصیلات سامنے آگئیں۔

تفصیلات کے مطابق صدر آصف علی زرداری نے نماز عید نوابشاہ میں ادا کی جبکہ وزیر اعظم شہباز شریف اور مسلم لیگ ن کے صدر نواز شریف نے جاتی امرا لاہور میں نماز عید پڑھی۔ چیئرمین سینیٹ یوسف رضا گیلانی نے ملتان میں نماز عید ادا کی جبکہ وزیراعظم کے معاون خصوصی برائے سیاسی امور رانا ثنا اللہ نے فیصل آباد میں عید کی نماز پڑھی۔

گورنر ہاؤس کراچی میں ہونے والی نماز عید میں گورنر سندھ کامران ٹیسوری، وفاقی وزیر تعلیم و سائنس خالد مقبول صدیقی، رہنما ایم کیو ایم فاروق ستار اور دیگر معززین نے شرکت کی جبکہ میئر کراچی مرتضی وہاب نے پولو گرانڈ میں نماز عید ادا کی۔ امیر جماعت اسلامی حافظ نعیم الرحمان نے عیدگاہ گرانڈ کراچی میں نماز عید ادا کی جبکہ گورنر پنجاب سردار سلیم حیدر نے اٹک اور سندھ کے سینئر وزیر شرجیل میمن نے حیدرآباد میں نماز عید ادا کی۔