فیصل واوڈا کا پی ٹی آئی کی بیرون ملک فنڈنگ کے متعلق بڑا دعویٰ

اسلام آباد(کھوج نیوز) سینیٹر فیصل واوڈا نے پاکستان تحریک انصاف کی بیرون ملک فنڈنگ کے متعلق بڑا دعویٰ کر دیا ہے جس کے بعد سیاسی جماعتوں سمیت ملک بھر میں نئی بحث شروع ہو گئی ہے۔

تفصیلات کے مطابق سینیٹر فیصل واوڈا کا کہنا تھاکہ میں بیرون ملک ہوں، پی ٹی آئی کی بیرون ملک فنڈنگ بھی رک گئی کیونکہ حامیوں کو پتہ چل گیا ہے کہ سب نے فنڈنگ کے نام پر اپنی دکانیں کھولی ہوئی ہیں۔ ان کا کہنا تھاکہ بانی پی ٹی آئی اکیلے رہ گئے، سارے کھیل الٹے کھیل کر مزید مشکل میں ہیں۔ انہوں نے کہا کہ پی ٹی آئی میں شدید دھڑے بندی اور گروپنگ ہے، پی ٹی آئی میں سب کو سب مل رہا ہے، مال بھی آزادی بھی اور سیاست بھی، نہیں ملا تو بانی عمران خان کو نہیں ملا۔