پولیس اور پی ٹی آئی کارکنوں میں جھڑپ، کئی گرفتار، کئی فرار

راولپنڈی (کھوج نیوز) راولپنڈی کی اڈیالہ جیل کے قریب پولیس اور پاکستان تحریک انصاف (پی ٹی آئی) کے کارکنوں میں جھڑپ ہوئی جس میں کئی گرفتار ہوئے اور کئی فرار ہونے میں کامیاب ہو گئے۔

تفصیلات کے مطابق اڈیالہ جیل کے قریب گورکھ پور ناکے پر تحریک انصاف کے کارکن پہنچے جنہوں نے نعرے بازی کی’ اس دوران پولیس نے لاٹھی چارج کیا، تحریک انصاف کے کارکنوں کی جانب سے پولیس پر پتھراؤ کیا گیا۔ پولیس نے کئی کارکنان کو گرفتار کرلیا جبکہ تحریک انصاف کے رہنماء ناکے سے فرار ہوگئے۔ بعدازاں اپوزیشن لیڈرعمر ایوب کی یقین دہانی پر پولیس نے گرفتار کارکنان کو چھوڑ دیا۔ کارکنان بھی گورکھ پور ناکے سے ہٹ گئے۔