ریٹائرڈ ججز کی تعیناتی کا معاملہ، جوڈیشل کمیشن کا بڑا حکمنامہ آگیا

اسلام آباد(کھوج نیوز) چار ریٹائرڈ ججز کی بطور رکن جوڈیشل کمیشن کی تعیناتی کے حوالے سے جوڈیشل کمیشن نے فیصلہ سناتے ہوئے بڑا حکمنامہ جاری کر دیا ہے ان ججز کے نام بھی سامنے آگئے ہیں۔

تفصیلات کے مطابق چیف جسٹس یحییٰ کی زیرصدارت میں جوڈیشل کمیشن کا اجلاس ڈھائی گھنٹے جاری رہا جس میں سپریم کورٹ میں دو ججز تعینات کرنے کیلئے غورکیا گیا۔ ذرائع نے بتایاکہ قائم مقام چیف جسٹس کی جگہ جوڈیشل کمیشن کے نئے ممبران کے تقرر کا فیصلہ کیا گیا۔ ذرائع کا کہنا تھاکہ اجلاس میں لاہور ہائیکورٹ کے 5 سینئر ججز کے ناموں پر غور ہوا، لاہورہائیکورٹ کے صرف ایک جج کے نام پراکثریتی ووٹ سے فیصلہ ہوا۔

ذرائع کا کہنا ہے کہ سندھ ہائیکورٹ کے جسٹس ریٹائرڈ مقبول باقر اور اسلام آباد ہائیکورٹ کے جسٹس ریٹائرڈ شوکت صدیقی کو جوڈیشل کمیشن کا رکن مقرر کرنے کی منظوری دی گئی۔ ذرائع نے بتایاکہ پشاور ہائیکورٹ کے جسٹس ریٹائرڈ شاکراللہ جان اور بلوچستان ہائیکورٹ کے جسٹس ریٹائرڈ نذیرلانگوکو بھی جوڈیشل کمیشن کا رکن مقرر کرنے کی منظوری دی گئی۔ ذرائع نے مزید بتایا ہے کہ اجلاس میں چار ریٹائرڈ ججز کو بطور رکن جوڈیشل کمیشن تعینات کرنیکی متفقہ طور پر منظوری دی گئی۔