مائنز اینڈ منرلز بل کی منظوری کب اور کیسے ہوگی؟ پتا چل گیا

اسلام آباد(کھوج نیوز) پاکستان تحریک انصاف کی سیاسی کمیٹی نے مائنز اینڈ منرلز بل کی منظوری کب اور کیسے ہوگی؟ اس حوالے سے تمام تر تفصیلات سامنے آگئی ہیں جس نے سب کو حیران کر دیا ہے۔

تفصیلات کے مطابق پاکستان تحریک انصاف کی سیاسی کمیٹی نے مائنز اینڈ منرلز بل کی منظوری بانی عمران خان سے مشاورت سے مشروط کردی۔ خیبرپختونخوا اسمبلی میں مائنزاینڈ منرلز بل پرتحریک انصاف کی سیاسی کمیٹی کا اجلاس ہوا جس میں وزیراعلیٰ علی امین نے مائنز اینڈ منرلز بل کے تمام اہم نکات پرجامع وضاحت پیش کی۔

اعلامیے میں کہا گیا ہے کہ مائنز اینڈ منرلز بل کی منظوری بانی پی ٹی آئی سے تفصیلی مشاورت کے بعد ہوگی اور بانی پی ٹی آئی کی اجازت اور اعتماد میں لینے کے بعد بل اسمبلی سے منظور کروایا جائے گا۔ کمیٹی کے مطابق یہ بل بانی پی ٹی آئی کے ایجنڈے، منشور، بیانیے اور عوامی امنگوں کے عین مطابق ہوگا، اس بل پرکسی قسم کی جلد بازی نہ کی گئی تھی نہ کی جارہی ہینہ کی جائے گی، بل میں حقوق ومعدنی وسائل وفاق کو منتقل کرنے کی کوئی شق شامل نہیں۔ پی ٹی آئی سیاسی کمیٹی کا کہنا ہے کہ بل میں ایس آئی ایف سی یا کسی وفاقی ادارے کو منتقل کرنے کی کوئی شق شامل نہیں، بل پر تمام اسٹیک ہولڈرز کی مثبت تجاویزکوخوش آمدید کہا جائے گا اور بل منظوری سے قبل دیگرپارلیمانی جماعتوں سے مشاورت جاری رہیگی۔