پاکستان
نہروں کا مسئلہ، رانا ثناء اللہ اور شرجیل میمن کا ٹیلیفونک رابطہ
تمام معاملات کو افہام و تفہیم سے حل کرنے پر یقین رکھتے ہیں، واٹر اکارڈ کے مطابق کسی صوبے کا پانی کسی دوسرے صوبے کو منتقل نہیں کیا جاسکتا اور نہ ہی کیا جا رہا ہے
اسلام آباد(کھوج نیوز) وفاقی حکومت اور سندھ حکومت کے درمیان نہروں کے مسئلے پر وزیراعظم مشیر برائے سیاسی امور رانا ثناء اللہ اور پیپلز پارٹی کے رہنما شرجیل میمن کا ٹیلیفونک رابطہ ہوا ہے۔
تفصیلات کے مطابق راناثناء اللہ اور شرجیل میمن نے پانی کے مسئلے پر مشاورت آگے بڑھانے پر اتفاق کیا۔نہروں کا مسئلہ حل کرنے سے متعلق معاملات کو آگے بڑھایا گیا۔ رانا ثنااللہ کا کہنا تھا کہ تمام معاملات کو افہام و تفہیم سے حل کرنے پر یقین رکھتے ہیں، واٹر اکارڈ کے مطابق کسی صوبے کا پانی کسی دوسرے صوبے کو منتقل نہیں کیا جاسکتا اور نہ ہی کیا جا رہا ہے۔ان کا کہنا تھا کہ پانی کی تقسیم انتظامی اور تکنیکی مسئلہ ہے جس کا حل بھی انتظامی اور تکنیکی بنیادوں پرکیا جائیگا،کسی صوبے کی حق تلفی ممکن نہیں، صوبوں کے تحفظات دور کیے جائیں گے اور مشاورت کے عمل کو مزید وسعت دی جائیگی۔
