حالیہ پاکستان کے دورے پر آئے امریکی کانگریس مین نے عمران خان سے متعلق بڑا مطالبہ کر دیا؟

لاہور(کھوج نیوز)سماجی رابطے کی ویب سائٹ ایکس پر پوسٹ شیئر کرتے ہوئے امریکی رکن کانگریس جیک برگ مین نے بانی پی ٹی آئی عمران خان کی رہائی کا مطالبہ کیا ہے۔ان کا کہنا ہے کہ دورہ پاکستان میں وہاں کے رہنماؤں اور برادریوں سے روابط کے بعد بانی پی ٹی آئی کی رہائی کا مطالبہ دہرا رہا ہوں۔انہوں نے کہا کہ پاکستان اور امریکا کی شراکت داری جمہوریت، انسانی حقوق اور معاشی خوشحالی جیسے مشترکہ اقدار پر قائم ہے، آئیے آزادی اور استحکام کے لیے مل کر کام کریں۔

اس سے قبل ری پبلکن پارٹی سے تعلق رکھنے والے برگ مین نے اپریل کے وسط میں دورہ پاکستان کے دوران سول اور عسکری قیادت سے ملاقاتیں کی تھیں۔