سکیورٹی فورسز کا آپریشن، 3دہشتگرد ہلاک

تربت (کھوج نیوز) سکیورٹی فورسز نے بلوچستان کے ضلع کیچ کے علاقے تربت میں آپریشن کرتے ہوئے 3دہشت گردوں کا ہلاک کر دیا یہ آپریشن خفیہ اطلاعات پر کیا گیا تھا۔

تفصیلات کے مطابق آئی ایس پی آر نے بتایا ہے کہ سکیورٹی فورسز نے تربت میں انٹیلی جنس بیسڈ آپریشن کیا، آپریشن دہشت گردوں کی موجودگی کی اطلاع پرکیا گیا۔ آئی ایس پی آر کا کہنا ہے کہ ہلاک دہشت گرد قانون نافذ کرنے والے اداروں اور شہریوں کے خلاف متعددکارروائیوں میں ملوث تھے۔ علاقے میں موجود کسی بھی دوسرے دہشت گرد کی موجودگی کے پیش نظر کلیئرنس آپریشن جاری ہے۔ آئی ایس پی آر کے مطابق سکیورٹی فورسز نے مؤثر طریقے سے دہشت گردوں کے ٹھکانے کو نشانہ بنایا، شدید فائرنگ کے تبادلے کے بعد 3دہشت گردوں کو ہلاک کردیا گیا، مارے گئے دہشت گردوں سے اسلحہ،گولہ بارود اور دھماکا خیز مواد برآمد ہوا۔