جنگ کی دھمکی، خواجہ آصف کا دوٹوک پیغام، بھارت میں ہلچل

اسلام آباد(کھوج نیوز) پہلگام حملے کے بعد مودی سرکار کی جانب سے جنگ کی دھمکی کے بعد وزیر دفاع خواجہ آصف کے دوٹوک پیغام نے پورے بھارت میں ہلچل مچا کر رکھ دی ہے۔

تفصیلات کے مطابق مسلم لیگ ن کے رہنماء اور وزیر دفاع خواجہ آصف کا کہنا تھا کہ دوست ممالک پڑوسی ممالک اور خطے کی بڑی طاقتیں بھی ثالثی کا کردار ادا کر رہی ہیں، دوست ممالک چاہتے ہیں کہ جنگ کی صورتحال نہ بنے، اللہ کرے ان ممالک کی کوششوں سے بھارت کو کچھ عقل آئے۔خواجہ آصف نے کہا کہ جیسے جیسے وقت گزر رہا ہے حملے کے خطرات بڑھ رہے ہیں، ہماری طرف سے جنگ کا آغاز نہیں ہوگا لیکن اگر جنگ مسلط کی تو بھرپور جواب دیں گے، بھارت جتنی طاقت استعمال کریگا اس سے زیادہ ہم طاقت سے جواب دیں گے۔

وزیردفاع کا کہنا تھا کہ شہباز شریف نے واضح کیا ہے کہ معاملے کی بین الاقوامی سطح پر تحقیقات کروائی جائیں، عالمی تحقیقات کے مطالبے پر بھارت نے کوئی جواب نہیں دیا، مطلب دال میں کچھ کالا ہے۔ خواجہ آصف کا کہنا تھا کہ جس طرح کا بھارت کا عمل ہوگا اسی طرح کا رد عمل دیا جائیگا،کسی کو کچھ شک نہیں ہونا چاہیے، بھارت کو بھرپور جواب دیں گے۔