ملکی حالات سے بے خبرسینیٹرز کا سرکاری خزانے پر غیرملکی دورہ

اسلام آباد(کھوج نیوز) ایک طرف ملک شدید معاشی اور سیاسی بحران سے دوچار ہے، دوسری جانب پارلیمنٹ کے متعدد ارکان حالات سے بے خبرہو کر چیئرمین سینیٹ کی قیادت میں غیر ملکی دورے پر نکل گئے۔ ذرائع کے مطابق چیئرمین سینیٹ کی سربراہی میں 17 رکنی پارلیمانی وفد روس پہنچ چکا ہے، جس میں 11 سینیٹرز کے علاوہ چیئرمین کا ذاتی عملہ بھی شامل ہے۔ یہ پورا دورہ سرکاری خزانے سے ہو رہا ہے۔

اپوزیشن لیڈر سینیٹر شبلی فراز نے اس سرکاری خرچ پر دورے سے انکار کر دیا، جبکہ دیگر سینیٹرز دبئی کے راستے ماسکو پہنچ گئے۔

ملک کی گرتی ہوئی معیشت، مہنگائی اور دیگر اہم مسائل کے باوجود عوامی نمائندوں کا یہ غیر ملکی دورہ سوشل میڈیا پر تنقید کی زد میں ہے۔