ڈی جی آئی ایس پی آر کا بھارت کو دو ٹوک جواب’ مودی سرکار میں خوف

راولپنڈی (کھوج نیوز) ڈی جی آئی ایس پی آر لیفٹیننٹ جنرل احمد شریف چوہدری نے ایک بار پھر بھارت کو دو ٹوک جواب دے دیا جس کے بعد مودی سرکار میں خوف و ہراس پھیل گیا ہے۔

تفصیلات کے مطابق ڈی جی آئی ایس پی آر لیفٹیننٹ جنرل احمد شریف چوہدری نے خبردار کیا کہ ایٹمی صلاحیت رکھنے والے پڑوسیوں کے درمیان سنگین کشیدگی دونوں ملکوں کو تباہ کر دیگی، اگربھارت یہ سوچتا ہے کہ وہ جنگ کے لئے کوئی بہانہ تراش سکتا ہے تو یہ حقیقت میں دوطرفہ تباہی کی وجہ ہوگی۔ لیفٹیننٹ جنرل احمد شریف چوہدری کا کہنا تھا کہ بھارت اس بات پر ناراض ہے کہ امریکا اس بحران کے دوران مسئلہ کشمیر کو اجاگر کر رہا ہے، امریکا کے لیے اصل امتحان یہ ہے کہ وہ بھارت پر کتنا دباؤ ڈال سکتا ہے۔ترجمان پاک فوج کا کہنا تھا کہ بھارت اندرونی معاملہ قرار دیکربھارتی فوج کی موجودگی کے ساتھ کشمیریوں کو ہراساں کر رہا ہے، مسئلہ کشمیر کو سلامتی کونسل کی قرارداد کے مطابق حل کرنا ہوگا۔ ڈی جی آئی ایس پی آر کا کہنا تھا کہ امریکا جیسے ممالک جوہری خطرات کے پیش نظر بھارتی عزائم کو بخوبی جان چکے ہیں، اگر بھارت نے جنگ بندی کی خلاف ورزی کی تو پاکستان اس کا فوری اور سخت ترین جواب دیگا، پاکستان کا مؤقف ہے کہ اس نے ایک بہت بڑی فوجی فتح حاصل کرلی ہے۔