ڈی جی آئی ایس پی آر نے بلوچ یکجہتی کمیٹی اور ماہ رنگ بلوچ کو دہشتگردوں کی پراکسی قرار دیدیا

اسلام آباد(کھوج نیوز) پاک فوج کے ترجمان لیفٹیننٹ جنرل احمد شریف نے کہا ہے کہ بلوچ یکجہتی کمیٹی (بی وائے سی) اور ماہ رنگ بلوچ دہشتگردوں کی پراکسی ہے ان کا چہرہ دنیا کے سامنے آگیا ہے۔

تفصیلات کے مطابق ڈی جی آئی ایس پی آر لیفٹیننٹ جنرل احمد شریف کا کہنا تھاکہ جعفر ایکسپرس آپریشن میں ہلاک دہشتگردوں کی لاشیں مانگنے ماہ رنگ بلوچ آئی، دہشتگردوں کی لاشیں لواحقین کے حوالے کی گئیں، ماہ رنگ بلوچ کون ہوتی ہے لاشیں مانگنے والی؟ انہوں نے کہا کہ ماہ رنگ بلوچ کا چہرہ دنیا کے سامنے آگیا، وہ دہشتگردوں کی پراکسی ہے، میڈیا دہشتگردوں کی پراکسی ماہ رنگ بلوچ کا چہرہ دنیا کے سامنے بے نقاب کرے۔

ڈی جی آئی ایس پی آر کا کہنا تھاکہ جب دہشتگرد مارے جاتے ہیں تو ان کے ڈی این اے اور شناخت کراتے ہیں ان میں سے آدھے تو مسنگ پرسنز کی فہرست میں ہوتے ہیں۔ ان کا کہنا تھاکہ بلوچ یکجہتی کمیٹی بھی دہشتگردوں کی پراکسی ہے اور بلوچ یکجہتی کمیٹی سے ویسے ہی نمٹاجائے گا جیسے دہشتگردوں سے نمٹا جاتا ہے۔