جناح ہائوس حملہ کیس، کس کس پر فرد جرم عائد ہوئی؟

لاہور(کھوج نیوز) جناح ہائوس حملہ کیس میں کس کس پر فرد جرم عائد کی گئی؟ اس حوالے سے تمام افراد کے نام سامنے آنے کے بعد پاکستان تحریک انصاف کے رہنمائوں میں ہلچل مچ گئی ہے۔

تفصیلات کے مطابق انسداد دہشت گردی عدالت لاہور نے جناح ہاؤس حملہ کیس میں پی ٹی آئی کے 254 رہنماؤں اور کارکنوں پر فرد جرم عائد کردی۔ عدالت نے جناح ہاؤس حملے کے مقدمے میں 254 ملزمان پر فرد جرم عائدکردی۔ انسداد دہشت گردی عدالت لاہور میں جناح ہاؤس حملہ کیس کی سماعت ہوئی۔ انسداد دہشت گردی عدالت کے جج منظر علی گل نے کوٹ لکھپت جیل میں سماعت کی۔ عدالت کی جانب سے عالیہ حمزہ، روبینہ جمیل، خدیجہ شاہ، اعجاز چوہدری، عمر سرفراز چیمہ اور محمود الرشید سمیت دیگر پر فرد جرم عائد کی گئی۔ ملزمان نے صحت جرم سے انکارکیا ہے۔ جناح ہا ؤس حملے کے دو ملزم وفات پا چکے ہیں جب کہ مقدمے میں 10 ملزمان کو اشتہاری قرار دیا جاچکا ہے۔