جس قوم کے پاس بہادر بیٹے ہوں اسے کوئی دشمن شکست نہیں دے سکتا،وزیرداخلہ محسن نقوی کی گفتگو

اسلام آباد(کھوج نیوز)جس قوم کے پاس بہادر بیٹے ہوں اسے کوئی دشمن شکست نہیں دے سکتا،وزیرداخلہ محسن نقوی کی گفتگو،رپورٹ کے مطابق وفاقی وزیر داخلہ محسن نقوی نے کہا ہے کہ جس قوم کے پاس ہادر بیٹے ہوں اسے دشمن شکست نہیں دے سکتا۔محسن نقوی نے سی ایم ایچ بنوں میں شمالی وزیرستان میں دہشتگردوں کے حملے میں زخمی ہونے والے جوانوں کی عیادت کی۔انہوں نے زخمی جوانوں کی خیریت دریافت کی اور ان کی جلد صحتیابی کی دعا کی۔ آئی جی خیبرپختونخوا ذوالفقار حمید نے بھی زخمیوں کی عیادت کی۔اس موقع پر محسن نقوی نے کہا کہ آپ کا حوصلہ دیکھ کر دہشتگردی کے خلاف جنگ میں ہمارا عزم مزید مضبوط ہوا، آپ کا غیر معمولی جذبہ دیکھ کر ہمارا سر فخر سے بلند ہوگیا۔