کیا پیپلز پارٹی کی حمایت کے بغیر حکومت نہیں چل سکتی؟نیئرحسین بخاری نے کھل کر بتا دیا

اسلام آباد(کھوج نیوز)پاکستان پیپلز پارٹی پارلیمنٹیرینز کے سیکریٹری جنرل نیئر حسین بخاری کا کہنا ہے کہ پیپلز پارٹی کی حمایت کے بغیر حکومت نہیں چل سکتی۔ایک بیان میں انہوں نے کہا کہ آصف زرداری کے خلاف قیاس آرائیوں میں کوئی حقیقت نہیں، قیاس آرائیاں کرنے والوں کو آئین اور قانون کی سمجھ ہی نہیں۔نیئر حسین بخاری نے کہا کہ صدر آصف زرداری اس ملک کے منتخب صدر ہیں، پی ٹی آئی مذاکرات پر یقین ہی نہیں رکھتی، تحریک چلانے کا شوق پورا کر لے۔ان کا کہنا ہے کہ اسمبلی ارکان کے پاس آئین میں وزیراعظم یا وزیراعلی کو ہٹانے کا حق موجود ہے، کسی وزیراعلی کو عدم اعتماد کے ذریعے ہٹانے سے نظام غیرمستحکم نہیں ہوتا۔انہوں نے کہا کہ پیپلز پارٹی وفاقی کابینہ میں شامل نہیں ہو رہی۔