اسحاق ڈار اور ترک وزیر خارجہ کی مشترکہ پریس کانفرنس’ بڑے اعلانات

اسلام آباد(کھوج نیوز) نائب وزیراعظم و وزیر خارجہ اسحاق ڈار اور ترک وزیر خارجہ حاقان فیدان نے مشترکہ پریس کانفرنس کی اور اس میں بڑے بڑے اعلانات کر ڈالے ہیں۔

تفصیلات کے مطابق ترک وزیر خارجہ حاقان فیدان کے ساتھ اسلام آباد میں مشترکا پریس کانفرنس میں اسحاق ڈار نے کہا کہ پاکستان مختلف شعبوں میں ترکیے کے تجربات سے مستفید ہورہا ہے۔ انہوں نے کہا کہ ترکیے اور پاکستان کی دوستی وقت کے ساتھ مضبوط ہو رہی ہے، پاک ترک دفاعی کمیٹیوں کا اجلاس ستمبر میں ہوگا۔ اس موقع پر ترک وزیر خارجہ حاقان فیدان کا کہنا تھا کہ پاکستان اور ترکیے کے تعلقات کو ادارہ جاتی شراکت داری میں تبدیل کیا جارہا ہے، دونوں ملکوں نے اقتصادی امور، ثقافت اور دفاع کے شعبوں میں تعاون کو فروغ دیا۔ ترک وزیر خارجہ نے مزید کہا کہ پاکستان اور ترکیے باہمی تجارت کو 5 ارب ڈالر تک بڑھانے کے خواہاں ہیں۔