عالیہ بھٹ کیساتھ فراڈ کرنیوالی اسسٹنٹ گرفتار، بڑے انکشافات
ویدیکا نے مبینہ طور پر جعلی بل تیار کیے اور اداکارہ سے ان پر دستخط یہ کہہ کرکروائیکہ یہ اخراجات ان کے سفر، ملاقاتوں اور دیگر متعلقہ انتظامات پر آئے ہیں: پولیس
ممبئی (شوبز ڈیسک) بالی ووڈ کی معروف و مشہور اداکارہ عالیہ بھٹ کے ساتھ فراڈ کرنے والی اس کی سابقہ پرسنل اسسٹنٹ کو گرفتار کرلیا گیا ہے جس کے بعد بڑے انکشافات سامنے آئے ہیں۔
انٹرنیشنل میڈیا کے مطابق پولیس کے مطابق تحقیقات میں انکشاف ہوا کہ ویدیکا نے مبینہ طور پر جعلی بل تیار کیے اور اداکارہ سے ان پر دستخط یہ کہہ کرکروائیکہ یہ اخراجات ان کے سفر، ملاقاتوں اور دیگر متعلقہ انتظامات پر آئے ہیں۔ پولیس کے مطابق ویدیکا فراڈ کی رقم پہلے اپنے دوست کے اکاؤنٹ میں ڈلواتی تھی اور پھر اپنے اکاؤنٹ میں منتقل کرتی تھی، شکایت درج ہونیکے بعد ویدیکا فرار ہوگئی تھی جس پر پولیس نے اس کی لوکیشن ٹریس کرکے اسے بنگلورو سے گرفتار کرلیا۔
واضح رہے کہ 32 سالہ سابق پرسنل اسسٹنٹ ویدیکا پرکاش شیٹی پر الزام ہے کہ انہوں نے عالیہ بھٹ کی پروڈکشن کمپنی (ایٹرنل سن شائن پروڈکشنز پرائیویٹ لمیٹڈ) اور ذاتی اکاؤنٹس میں 76.9 لاکھ روپے کی بے ضابطگیاں کی ہیں۔ پولیس کے مطابق ویدیکا پرکاش شیٹی نے یہ فراڈ مئی 2022 ء سے اگست 2024ء کے دوران کیا جس کی نشاندہی عالیہ بھٹ کی والدہ ڈائریکٹر و اداکارہ سونی رازدان نے کی اور رواں سال جنوری کی 23 تاریخ کو پولیس کو شکایت درج کروائی۔
