پاکستان
فیض آباد احتجاج کیس، گنڈا پور کی چھٹی نہ ملی
بانی پی ٹی آئی عمران خان کی نااہلی پر فیض آباد احتجاج کیس میں وزیر اعلی خیبر پختونخوا علی امین گنڈاپور کے وارنٹ اور اشتہاری کا اسٹیٹس برقرار ہے
اسلام آباد(کھوج نیوز) پاکستان تحریک انصاف کے بانی عمران خان کی نا اہلی پر فیض آباد احتجاج کیس میں خیبرپختونخوا کے وزیراعلیٰ علی امین گنڈا پور کو چھٹی نہ ملی اور ان کی سزا برقرار رہی۔
تفصیلات کے مطابق اسلام آباد کی انسداد دہشتگردی عدالت کے جج طاہر عباس سِپرا نے عمران خان کی نااہلی پر فیض آباد احتجاج کیس پر سماعت کی جس دوران علی امین گنڈا پور عدالت میں پیش نہیں ہوئے۔ عدالت نے وزیر اعلی خیبر پختونخوا علی امین گنڈاپور کے وارنٹ اور اشتہاری کا اسٹیٹس برقرار رکھتے ہوئے اسلام آباد پولیس کو پشاور ہائیکورٹ کے فیصلے پر عملدرآمد کرنے کا حکم دے دیا۔ اس کے علاوہ عدالت نے عامر محمود کیانی کو اشتہاری قرار دینے کی کارروائی شروع کردی۔
