کتنے میٹرک ٹن چینی درآمد کی جائیگی؟ ٹینڈر کس کو ملے گا؟

اسلام آباد(کھوج نیوز) وفاقی حکومت نے چینی درآمد کرنے کا اعلان کر دیا ہے ، کتنے میٹرک ٹن چینی درآمد کی جائے گی؟ اور اس کا ٹینڈر کس کو ملے گا؟ اس حوالے سے تمام تفصیل سامنے آگئی ہے۔

تفصیلات کے مطابق ٹریڈنگ کارپوریشن پاکستان نے 3لاکھ ٹن چینی کی درآمد کے لیے پہلا ٹینڈرجاری کردیا اور چینی کی درآمد کے لییانٹرنیشنل سپلائرز/مینوفیکچررز سے 18 جولائی تک لفافہ بند بولیاں طلب کی گئی ہیں۔ ٹینڈر دستاویز کے مطابق چینی کی درآمد کے لیے 25 ہزار ٹن سیکم کی بولی منظور نہیں کی جائے گی۔

ٹینڈر دستاویزکے مطابق حکومت کا فیصلہ ہے کہ درآمد چینی موٹے دانے اور اعلی معیار کی ہوگی، اس کے علاوہ وفاقی حکومت نے چینی کی شپمنٹ کے بعد معائنہ لازمی قرار دیا ہے۔ دستاویز میں بتایا گیا ہے کہ چینی کی درآمد سرکاری سطح پر ٹی سی پی کے ذریعے کی جارہی ہے اوروفاقی حکومت نے چینی کی درآمد پر تمام ٹیکسز سے استثنی دیا ہے۔