ذوالفقار علی بھٹو جونیئر نے بلاول کیلئے خطرے کی گھنٹی بجا دی
ذوالفقار علی بھٹو جونیئر کا نئی سیاسی جماعت بنانیکا اعلان ' روٹی،کپڑا اور مکان کا نعرہ آج بھی موجود ، ہمیں آج مزید 3 چیزیں بجلی، گیس اور پانی بھی چاہیے، ہمارا نعرہ جئے عوام ہوگا
لاہور(کھوج نیوز) سابق وزیراعظم اور پیپلز پارٹی کے بانی ذوالفقار علی بھٹو کے پوتے ذوالفقار علی بھٹو جونیئر نے پیپلز پارٹی کے چیئرمین بلاول بھٹو زرداری کے لئے خطرے کی گھٹنی بجا دی ہے۔
تفصیلات کے مطابق ذوالفقار علی بھٹو جونیئر نے کہا کہ وہ ایک نئی سیاسی جماعت بنا رہے ہیں جس کا باقاعدہ اعلان جلدکیا جائیگا۔ ان کا کہنا تھا کہ روٹی،کپڑا اور مکان کا نعرہ آج بھی موجود ہے، ہمیں آج مزید 3 چیزیں بجلی، گیس اور پانی بھی چاہیے، ہمارا نعرہ جئے عوام ہوگا۔ ان کا کہنا تھا کہ زرداری گروپ نے جئے بھٹو کو کرپشن کا نعرہ بنادیا، کارپوریٹ فارمنگ زمینوں پر قبضہ کرنیکا منصوبہ ہے، پنجاب کیکسان ملکی معیشت میں ریڑھ کی ہڈی کی حیثیت رکھتے ہیں، وہ جماعتیں آج کہاں ہیں جو کسانوں کی بات کرتی ہیں، اگر سندھ کے کسان بھی پنجاب کی طرح آواز اٹھائیں گے تو وہ اسلام آباد کی طرف مل کر چلیں گے۔
